Татарстан Рәисе Рөстәм Миңнеханов телеграм-каналында һәм «ВКонтакте» социаль челтәрендәге битендә Ватанны саклаучылар көне белән видеокотлау урнаштырды.
«Якынлашып килүче бәйрәм белән, хәрбиләр! Сезне Җиңү белән көтәбез! Якташларыбыз, сезнең белән ихлас горурланабыз! Җиңүгә ышанабыз!» - дип яза ТР Рәисе, махсус операциядә катнашучыларга мөрәҗәгать итеп.
Видеоролик ике аудиториягә адресланган – Татарстанда яшәүче барлык кешеләргә һәм махсус хәрби операциядә катнашучы татарстанлыларга. Башта хәрбиләр республика халкын котлый, ә аннары хәрбиләрнең үзләрен котлаулар яңгырый.
Соңгы фраза («Барлык ир-атларны, барлык әтиләрне, хәзер биредә һәм кайчандыр биредә булганнарның барысын да Ватанны саклаучылар көне белән!») әлеге ике аудиторияне берләштерә. Мөрәҗәгатьнең йомгаклау өлешендәге сүзләрне активистлар әйтә.
Свежие комментарии