Казанда 2025 елның 30 гыйнварында температура +1,3 градуска кадәр күтәрелде. Бу көн өчен мондый күрсәткечләр 1999 елдан бирле теркәлмәгән, ул чагында һава температурасы +1,2 градус тәшкил иткән. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Шул ук вакытта, бу көнне кайбер шәһәрләрдә эссерәк булды.
Әйтик, Мәскәүдә температура +8 градуска кадәр күтәрелде, дип хәбәр итте башкала синоптигы Михаил Леус.Шулай ук аның мәгълүматлары буенча Санкт-Петербургта һава +4,8 градуска кадәр җылынган.
«Бүген Мәскәү өлкәсенең Можайск һәм Коломна шәһәрләрендә дә җылылык рекордлары яңарды. Можайскида температура +4,5 градус (моңа кадәрге рекорд 2016 елда теркәлде - +3,7 градус), ә Коломнада +2,9 градус (2004 елда - +2,8 градус) тәшкил итте», - дип өстәде синоптик.
Элегрәк «Татар-информ» агентлыгы 29 гыйнварда температура рекорды буенча Казанны узып киткән шәһәрләрне атаган иде.
Свежие комментарии