Миңнеханов Петербург форумында Цивилев белән «ЭНЕРГОПРОМ» форумын үткәрү турында сөйләште

ТР Рәисе Рөстәм Миңнеханов Петербург халыкара икътисади форумында РФ энергетика министры Сергей Цивилев белән очрашты.

ТР Рәисенең матбугат хезмәте җитәкчесе Лилия Галимова хәбәр иткәнчә, яклар 2026 елда «ЭНЕРГОПРОМ» Казан халыкара энергетика форумын оештыру һәм үткәрү, шулай ук Татарстанда энергогенерацияне модернизацияләү проектларын гамәлгә ашыру мәсьәләләре хакында фикер алышкан.

Элегрәк Татарстанда дөнья дәрәҗәсендәге яңа җиңел атлетика манежы төзеләчәге һәм республиканың Россия онлайн-сервисларында милли контентны алга этәрәчәге билгеле булган иде. Петербург халыкара икътисади форумының икенче көнендәге килешүләр әнә шундый.

 

Читайте нас:

Дзен - https://dzen.ru/tatar-inform.ru

ВК - https://vk.com/tatarinform

Телеграм - https://t.me/iatatarinform

YouTube - https://www.youtube.com/user/tatarinform/