Владивостокта яңа урамга Советлар Союзы Герое Гыйльфан Батаршин исеме бирелгән

Владивостокта яңа урамга Советлар Союзы Герое Гыйльфан Батаршин исеме бирелгән. Бу хакта Бөтендөнья татар конгрессы матбугат хезмәтендә хәбәр ителә.

Гыйльфан Әбүбәкер улы Батаршин - беренче совет чик сакчысы, Хәсән күле янындагы сугышларда катнашкан. СССР Эчке эшләр халык комиссариаты гаскәрләренең Посьетск чик буе отрядының маневр төркеме отделениесе командиры вазифасында эшләгән, Советлар Союзы Герое исеменә лаек булган.

Татарстан Республикасы Премьер-министры урынбасары, Бөтендөнья татар конгрессы Милли шурасы рәисе Васил Шәйхразыев әлеге урамда булды, Герой истәлегенә куелачак символик билгене урнаштыру урыны белән танышты.