<p>Татарстан Рәисе <strong>Рөстәм Миңнеханов</strong> Барда авылында Советлар Союзы Герое, шагыйрь <strong>Муса Җәлил</strong> бюстына чәчәкләр куйды. Искәртик, әлеге авыл Пермь краеның Барда муниципаль округында урнашкан, бирегә республика җитәкчесе Бөтенроссия авыл Сабантуенда катнашу өчен килде.
</p> <p>Татарстан Рәисенең матбугат хезмәте хәбәр иткәнчә, Пермь крае губернаторы <strong>Дмитрий Махонин</strong> белән бергә Миңнеханов Сабантуй мәйданчыкларында булган, иҗади ишегалларын бәяләгән һәм Кукмара районы (Татарстан) мәйданчыгын караган – Кукмара халкы бәйрәмдә традицион татар ишегалдын тәкъдим итә.</p> <p>Шулай ук Миңнеханов белән Махонин XIV Бөтенроссия авыл Сабантуен ачу тантанасында катнаша.</p> <p>Муса Җәлил бюстын Пермь краена 2024 елның маенда җибәрделәр. Бюстның авторы – Санкт-Петербургтан танылган скульптор <strong>Винера Абдуллина</strong>.</p> <p>Бюст урнаштырылган Барда авылында шулай ук татар шагыйре хөрмәтенә аталган сквер да бар.</p> <p> </p>
Свежие комментарии