Җир һәм мөлкәт мөнәсәбәтләре министрлыгына яңа җитәкче Азат Кадыйровны тәкъдим иттеләр

<p>Татарстанның беренче вице-премьеры <strong>Рөстәм Нигъмәтуллин</strong> ТР Җир һәм мөлкәт мөнәсәбәтләре министрлыгы коллективына яңа җитәкче <strong>Азат Кадыйров</strong>ны тәкъдим итте. Бу хакта Татарстан Рәисенең матбугат хезмәте хәбәр итә.</p> <p>Яңа вазифага билгеләнгәнче Кадыйров Россия Спорт министрлыгы башлыгының беренче урынбасары булды, ә аңа кадәр озак еллар Татарстанның спорт һәм социаль проектлар дирекциясендә эшләде, ә соңрак җитәкчелек итте, дип искәртте Нигъмәтуллин.

Ул республика Җир һәм мөлкәт мөнәсәбәтләре министрлыгының яңа җитәкчесе хәл итәргә тиешле бурычлар даирәсен билгеләде. Бу, шул исәптән, Илкүләм киңлек мәгълүматлары системасын тутыру, торак пунктлар һәм башка территориаль зоналарның чикләрен билгеләү, файдаланылмаган мөлкәтнең хуҗалык әйләнешен арттыру, унитар предприятиеләрне реформалаштыру буенча чараларны тәмамлау, Дәүләт муниципаль мөлкәт белән идарә итүнең бердәм мәгълүмати системасын кертү бурычлары.</p> <p>«Иң мөһим бурыч – республиканың барлык бүгенге комплексын нәтиҗәле файдалануны тәэмин итү. Әлбәттә, сезнең тәҗрибә, потенциал һәм белемнәрегез министрлыкның киләчәк эшчәнлегенә әһәмиятле өлеш кертәчәк. Яңа җаваплы постта югары казанышларга ирешүегезне телибез. <...> Коллегалар, мин барыгыздан, ә беренче чиратта, хәрбиләр әйткәнчә, министрлыкның шәхси составынан Азат Рифгат улына тиз арада эшкә ныклап керешергә ярдәм итүегезне сорыйм», - дип мөрәҗәгать итте Рөстәм Нигъмәтуллин.</p> <p>Искәртик, Кадыйров министрлыкны <strong>Фәнил Әглиуллин </strong>урынына җитәкли башлый. Әглиуллин, үз чиратында, республика вице-премьеры вазифаларын башкаручы итеп билгеләнде. Яңа вазифада ул Луганск Халык Республикасында Татарстан шефлыгы астында булган Лисичанск һәм Рубежное шәһәрләрен торгызу эшен кураторлык итәчәк. Бүген Татарстан Республикасы Рәисе <strong>Рөстәм Миңнеханов</strong> бу хакта указны имзалады.</p> <p>Нигъмәтуллин министр вазифасында хезмәт итү чорында башкарган эшләре өчен Әглиуллинга рәхмәт белдерде. Аның җитәкчелегендә республиканың дәүләт милке белән идарә итү буенча нәтиҗәле, җайга салынган эш оештырылды, муниципаль районнар белән хезмәттәшлек һәм территориаль органнар белән координация җайга салынды. «Бу эшкә керткән бәяләп бетергесез өлешегез, минемчә, рәхмәткә лаек. Фәнил Әнвәр улы, сезнең белемнәрегез <...> инде яңа җаваплы постта алга таба да Туган илебез үсешенә әһәмиятле өлеш кертергә мөмкинлек бирәчәк», - дип ассызыклады ул.</p>