Мөхәммәтшин Аксубай районы ветеранына Җиңүнең 80 еллыгы медален тапшырды

Дәүләт Советы Рәисе Фәрит Мөхәммәтшин ветеран Николай Панюковка «1941-1945 еллардагы Бөек Ватан сугышында Җиңүгә 80 ел» юбилей медален тапшырды. Бүләкләү тантанасы бүген Аксубай муниципаль районы Советының хисап утырышы кысаларында узды.

Николай Иванович Панюковка узган елның декабрендә 92 яшь тулды, ул Аксубай районының Югары Баланда авылында туган, Бәләбәй киномеханиклар мәктәбен тәмамлаган һәм шуннан соң Аксубайда күчмә кино механигы булып эшләгән.

Совет Армиясе сафларына 1951 елда, Бөек Ватан сугышы тәмамланганнан соң алына. Шуңа да карамастан, аның хәрби бурычлары аның нәтиҗәләре белән бәйле була. 1954 елга кадәр Николай Иванович Көнбатыш Украинада ССР дәүләт куркынычсызлыгы оператив гаскәрләрендә хезмәт итә, яшерен эш алып баручы милли оешмаларга каршы көрәштә катнаша.

Николай Панюковка сержант исеме бирелгән. Ветеран Бөек Ватан сугышында катнашучылар рәтенә кертелгән. Демобилизациядән соң Николай Иванович киномеханик булып эшләвен дәвам итә, ә 1965 елда район кино челтәре директоры итеп билгеләнә, бу вазыйфада 28 ел эшли. 1993 елдан пенсиядә.

• «1941-1945 еллардагы Бөек Ватан сугышында Җиңүгә 80 ел» юбилей медале Россия Президенты Владимир Путин Указы белән гамәлгә куелды. Җиңү көне алдыннан әлеге бүләк сугыш хәрәкәтләрендә катнашучыларга, партизаннарга, тыл хезмәтчәннәренә, балигъ булмаган концлагерь тоткыннарына тапшырыла.