Татарстан Рәисе Рөстәм Миңнеханов республиканың Түбән Кама районы Түбән Афанас авылында (Чайка бистәсе) газ җибәрү чарасында катнашты. Аның белән бергә чарада «Газпром трансгаз Казан» генераль директоры Рөстәм Усманов, Түбән Кама мэры Рамил Муллин һәм «Газпром межрегионгаз Казан» оешмасы генераль директоры Айдар Таһиров катнашты.
Республика Рәисенең матбугат хезмәте хәбәр иткәнчә, Чайка торак массивында күпбалалы гаиләләр яши.
Хәзер, бистәдә газификация төгәлләнде, 800гә якын йортка табигый газ килә.Рөстәм Миңнеханов сүзләренчә, Түбән Афанас авылында (Чайка бистәсе) яңа газ үткәргечен догазификация программасы кысаларында кулланылышка тапшырганнар. Бу Татарстанда әлеге программа буенча кертелгән иң зур объектларның берсе, аның озынлыгы 30 километрдан артык, диде республика җитәкчесе.
«Газ үткәргеч кертү 796 участокны газ белән тәэмин итә, бу бистәдә яшәүчеләрнең тормыш сыйфатын сизелерлек яхшыртачак», – диде Рөстәм Миңнеханов.
Шулай ук ул Россия Президенты Владимир Путинга, Россия хөкүмәтенә гражданнарның тормыш шартларын яхшырту инициативалары өчен рәхмәт белдерде, шулай ук газовикларга һәм төзүчеләргә башкарган эшләре өчен рәхмәт әйтте.
«Газ – ул җылылык, ә җылылык – ул тормыш. Барыгызга да яхшы тормыш һәм күп балалар телим. Йортларыгыз җылылык белән тулып торсын», – диде Миңнеханов җирле халыкны әлеге мөһим вакыйга белән котлап.
Социаль газификация программасын Путин 2021 елда игълан итте. Бүген Татарстанда 23 мең йорт әлеге икътисади ресурстан куллана.
Свежие комментарии