«Әлбәден» тарихи реконструкция фестивалендә 10 меңнән артык кунак булачак

<p>«Әлбәдән» тарихи реконструкция фестивале агымдагы елның 22-23 июнендә Питрәч районы Әлбәден авылында уза, 350дән артык кеше катнаша һәм 10 меңнән артык кунак киләчәк. Бу хакта «Алга» сайтында хәбәр ителә.</p> <p>«Матур традициягә әверелеп баручы фестиваль инде алтынчы тапкыр Брест ныгытмасын саклауда катнашкан Советлар Союзы Герое <strong>Петр Гаврилов</strong>ның туган ягында узачак», — диде республика яшьләр эшләре буенча министр урынбасары <strong>Айгөл Сабирова</strong>.

</p> <p>Реконструкторларның да, тамашачыларның да географиясе елдан-ел киңәя бара, дип бигеләп үтте ул. Быел исә Россиянең төрле төбәкләреннән генә түгел, башка илләрдән дә катнашучылар булачак дип көтелә.</p> <p>«Форпост» җәмәгать тәртибен саклау буенча республика яшьләр берләшмәсе үзәге директоры <strong>Тимур Камалетдинов</strong> белдергәнчә, «Әлбәдән» елдан-ел киңәя, үсә һәм Брест ныгытмасының үзендә узучы фестиваль белән масштаб буенча да, оештыру дәрәҗәсе буенча да уңышлы үсеш ала.</p> <p>Ул шулай ук быел фестивальдә катнаша торганк техника саны артачагын әйтте. Барлыгы 15 берәмлек тарихи бронетехника җәлеп ителәчәк. Бу узган ел белән чагыштырганда 3кә күбрәк.</p> <p>Хәзерге вакытта Һава транспорты федераль агентлыгы (Росавиация) белән фестивальдә самолетлар куллану мәсьәләсе турында фикер алышу бара, әмма алар булырмы-юкмы – әлегә билгеле түгел, дип уртаклашты фестивальнең оештыручысы <strong>Наилә Таҗиева</strong>.</p> <p>Быел фестивальдә Россиянең төрле шәһәрләреннән тарихи мәйданчыклар күбрәк булачак, шулай ук лекцияләр һәм уникаль медицина инструментлары коллекциясе белән тарихчы лектор<strong> Александр Поволодский</strong> киләчәк, дип өстәде Таҗиева. </p> <p>Тулырак: https://pestrecy-rt.ru/news/jemgiyat/albaden-tarixi-rekonstr...</p>