Татарстан Сәнәгать һәм сәүдә министрлыгында кадрлар алмашынды. Ведомство башлыгының яңа урынбасары итеп Надир Закиров билгеләнде. Бу хакта ТР Сәнәгать һәм сәүдә министрлыгының Телеграм-каналында хәбәр иттеләр.
Шул хактагы карарны Татарстан Премьер-министры Алексей Песошин имзалаган.
Яңа вазифасында Надир Закиров кулланучылар базарын үстерү мәсьәләләре белән җитәкчелек итәчәк, шулай ук министрлык карамагындагы структураларда иминлек һәм террорчылыкка каршы саклануны тәэмин итәчәк.
Надир Закиров тумышы белән Арча районы Яңа Кишет авылыннан. Карьерасын Казанның Идел буе районында Балигъ булмаганнар эшләре буенча инспектор вазифасыннан башлый.
Закиров яңа вазифага билгеләнгәнче Россия Эчке эшләр министрлыгының Казан буенча идарәсен җитәкли. Элегрәк ул шулай ук Лениногорск районы буенча Эчке эшләр министрлыгында һәм Чаллы буенча Эчке эшләр министрлыгында җитәкче вазифаларын башкара.
Һөнәри казанышлары өчен ул «Җәмәгать тәртибен саклауда аерылып торган өчен» медале, шулай ук Татарстан Республикасының «Фидакарь хезмәт өчен» медале белән бүләкләнә.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии