Казанда Мирсәет Солтангалиевның мәхәббәт тарихы турында лекция була

<p>Казанда Салих Сәйдәшев музеенда Санкт-Петербург язучысы <strong>Ренат Беккин </strong>белән очрашу була. «Мәдәни башкала» кунагы Татарстан Республикасына нигез салучыларның берсе <strong>Мирсәет Солтангалиев </strong>белән сәүдәгәрләр нәселеннән булган Фатыйма Ерзинаның мәхәббәт тарихы турында сөйләргә җыена.

Бу хакта «Миллиард.Татар» яза.</p> <p>Очрашуда кунаклар Фатыйма Ерзинаның чынлыкта кем булуын, парның аерылышу сәбәбе, чынлыкта Фатыйманың «йөрәге» кемнеке булуын һәм ни өчен аңа икенче никахы бәхет китермәвен беләчәк.</p> <p>Шунысын да билгеләп үтәргә кирәк, тыңлаучыларны 40 минутлык лекция көтә, ә аннары Санкт-Петербург кунагы тема буенча бирелгән сорауларга җавап бирә. Лекциягә сылтама буенча теркәлергә мөмкин.</p>