Иран Израиль юнәлешендә ракеталар җибәрде. Бу хакта Израиль оборона армиясе (ЦАХАЛ) хәбәр итте, дип яза ТАСС.
Яһүд дәүләтенең бөтен территориясендә һава тревогасы сиреналары яңгырый. Массакүләм мәгълүмат чаралары мәгълүматлары буенча, Израиль халкына массакүләм рәвештә яшеренергә сорап хәбәрләр килә.
Израиль армиясендә ил гражданнарын яклау өчен кирәкле бөтен нәрсәне эшләячәкбез дип белдерделәр һәм алардан инструкцияләрне үтәргә сорадылар.
Элегрәк Израиль премьер-министры Биньямин Нетаньяху гражданнарны яһүд дәүләтен «сынау көннәре» көтүе турында кисәтте һәм барысын да бердәмлек күрсәтергә һәм армия күрсәтмәләрен төгәл үтәргә чакырды. Премьер-министр белдерүе Иранның Израильгә ракеталар җибәрергә әзерләнүе ихтимал дигән хәбәрләр фонында яңгырады.
The Jerusalem Post газетасы раславынча, Иран ягыннан Израиль территориясенә 100дән артык ракета җибәрелгән.
Свежие комментарии