Мәскәү мэры Сергей Собянин Татарстан вице-премьеры – Татарстан Республикасының Россия Федерациясендәге вәкаләтле вәкиле Равил Әхмәтшинга Рәхмәт хаты тапшырды.
Татарстан вәкиллеге матбугат хезмәте хәбәр иткәнчә, Рәхмәт хаты Мәскәү һәм Татарстан Хөкүмәтләре арасында хезмәттәшлекне үстерүгә керткән өлеш, шулай ук Мәскәүдә социаль әһәмияткә ия чаралар уздыруда актив катнашкан өчен тапшырылган.
Россия башкаласы мэры исеменнән Рәхмәт хатын Равил Әхмәтшинга Мәскәүнең Милли сәясәт һәм төбәкара элемтәләр департаменты җитәкчесе Виталий Сучков тапшырган.
Тантана Мәскәү Хөкүмәте каршындагы Милләтләр эшләре буенча совет һәм Россия башкаласы Хөкүмәте каршындагы Мәскәү төбәк Якташлык җәмгыятьләренең координацион советы утырышы кысаларында узган.
Свежие комментарии