Лукашенко: Татарстан Россиянең авыл хуҗалыгы буенча иң алга киткән төбәкләренең берсе

Татарстанда үз авыл хуҗалыгы производствосы яхшы үсеш алган, дип саный Беларусь Президенты Александр Лукашенко. Үз фикерен ул «Мир»телерадиокомпаниясенә биргән интервьюсында әйтте.

Республика лидеры шулай ук билгеләп үткәнчә, Беларусь Татарстан һәм Башкортстан белән азык-төлек белән тәэмин итү буенча хезмәттәшлек итә.

Өстәвенә, Беларусь азык-төлек продуктлары бу төбәкләрдә ихтыяҗ белән файдалана, дип өстәде Лукашенко.

«Миңа Россия төбәкләре җитәкчеләре килә. «Безгә менә бу һәм бу кирәк. Бу сыйфатлы, бәясе түбәнрәк һәм кешеләр ияләшкән» - диләр», - дип сөйләде ул.

Моңа кадәр Татарстан Рәисе Рөстәм Миңнеханов республика азык-төлек һәм терлек азыгы белән тулысынча тәэмин ителгән дип белдергән иде.

«Терлекчелек юнәлешендә дә күләмнәр зур. Бу зур эш», - диде ул.

Элегрәк Лукашенко белдергәнчә, Россия автомобиль сәнәгате берничә елдан «Мерседес»ны куып җитәргә мөмкин.