Питрәч районы Көек бистәсендә М-7 трассасына чыга торган яңа юл ачу мәсьәләсе карала. Бу торак пункттагы логистик вазгыятьне җиңеләйтергә һәм бөкеләрне киметергә ярдәм итәчәк. Бу хакта Питрәч районы башлыгы Рәис Сөләйманов сөйләде, дип хәбәр ителә «Алга» сайтында.
«Көектә бөкеләр зур проблема булып тора.
Без Татарстан транспорт министры Фәрит Хәнифов белән бистәдән М-7 трассасына чыга торган тагын бер юл ачу проекты турында фикер алышабыз. Ләкин анда тоташкан урыннар буенча вазгыять шулай ук катлаулы. Хәзерге вакытта без бу мәсьәләне Киңлекне планлаштыру институты белән карыйбыз. Бу юл якындагы елларда барлыкка килер дип уйлыйм», - дип хәбәр итте Сөләйманов.Бистә территориясенә ихтыяҗ зур, биредә алга таба да объектлар төзеләчәк, шуңа күрә анда тагын бер транспорт чишелеше кирәк, дип аңлатты Сөләйманов.
Свежие комментарии