Россиянең күп кенә төбәкләрендә фатирларны капиталь ремонтлауга тарифлар быелның 1 гыйнварыннан артты. Аларның күләмен РФ Төзелеш һәм торак-коммуналь хуҗалык министрлыгы киңәшләрен исәпкә алып, исәп-хисаплардан чыгып, төбәк хакимиятләре билгели. Бу хакта РФ Хөкүмәте каршындагы Финанс университеты доценты, Россия Финанс министрлыгы Икътисад фәнни-тикшеренү институтының «Моифинансы.
рф» проекты эксперты Светлана Мусиенко белдерде. ПРАЙМ шул хакта хәбәр итә.Шулай ук, Мусиенко аныклаганча, тарифларны күп фатирлы йортның гомуми мөлкәтен капиталь ремонтлау хезмәтләре һәм эшләр бәясен бәяләү нәтиҗәләре буенча билгелиләр. Бу мәгълүматлар булмаганда, эшләрнең бәясен узган бер-өч елның смета документациясе буенча куялар.
Эксперт соңгы елларда төзелеш материаллары кыйммәтләнә һәм инфляциянең гомуми дәрәҗәсе планлаштырылганнан югарырак булганлыктан, тарифлар үсеше, шул исәптән капиталь ремонтка да, котылгысыз булып чыкты, дип өстәде.
Әмма ул шулай ук кайбер төбәкләрдә торакның төренә һәм аның техник җиһазланышына, шулай ук кайчан төзелгәнлегенә карап дифференциацияләнгән тарифлар гамәлдә булуын белдерде.
Свежие комментарии