Арча районы прокуратурасы 35 яшьлек ир-атка карата җинаять эше буенча дәүләт гаепләвен хуплады. Суд әлеге ир-атны РФ Җинаять кодексының 157 маддәсе 1нче бүлегендә каралган җинаятьләр эшләүдә гаепле дип тапты. Бу хакта «Арча хәбәрләре» сайтында хәбәр ителә.
2024 елның мартыннан июньгә кадәр ир-ат элеккеге хатыннарына өч балигъ булмаган балаларны тәрбияләү өчен алимент түләмәгән.
Ул моңа кадәр дә административ җаваплылыкка тартылган булган.Аның бурычы 1,2 млн сумга җыелган.
Суд ир-атны гаепле дип тапкан һәм 1 елга ирегеннән мәхрүм иткән.
Суд карары үз көченә керде, дип хәбәр иттеләр Арча районы прокуратурасыннан.
Свежие комментарии