Россия Федераль Җыенының Федерация Советы Рәисе Валентина Матвиенко Татарстан Рәисе Рөстәм Миңнехановны, Татарстан Дәүләт Советы Рәисе Фәрит Мөхәммәтшинны һәм төбәктә яшәүчеләрне Татарстан Республикасы көне белән котлады.
«Төбәк безнең дәүләтнең индустриаль һәм фәнни-мәгариф потенциалын ныгытуга, гражданнар тынычлыгын һәм татулыгын саклауга лаеклы өлеш кертә, төп гомумилкүләм бурычларны хәл итүдә актив катнаша», — диде сәясәтче.
«Татарстанның бай тарихи-мәдәни мирасы республика башкаласы — меңьеллык Казанның гармонияле йөзендә ачык чагыла, Чаллы, Яшел Үзән, Зәй һәм башка шәһәрләрнең уникаль музей коллекцияләрендә тәкъдим ителгән, аларның елъязмалары гасырларга сузыла», — дип өстәде Матвиенко.
«Бүген Россия Федерациясе субъекты динамик рәвештә үсә. Зур инфраструктура һәм перспективалы инвестицион проектлары уңышлы гамәлгә ашырыла, сәнәгатьнең инновацион югары технологияле тармаклары исемлеге киңәйтелә», - дип билгеп үтте ул.
«Республика гадәттәгечә үз территориясендә киң күләмле спорт ярышлары, форумнар, конгресслар һәм фестивальләр үткәрә. 2024 елда биредә XVI БРИКС саммиты уза, ул илебезнең төп чит ил партнерлары белән үзара файдалы хезмәттәшлеген тирәнәйтү максатыннан үткәрелә. Икътисады күбесенчә экспортка юнәлтелгән Татарстан өчен бу чара яңа базарларга чыгу, төбәкара багланышларны көчәйтү өчен менә дигән мөмкинлек булачак», — дип ышана Федерация Советы спикеры.
«Республика халкы киләчәктә дә аның чәчәк атуына һәрьяклап ярдәм итәр дип ышанам. Иминлек һәм билгеләнгән максатларга ирешергә телим», - дип йомгаклады Валентина Матвиенко.
Свежие комментарии