Россиядә 18 яшькә кадәрге балаларга энергетик сатуны тыю турындагы закон проекты хупланды

<p>Дәүләт Думасы 18 яшьтән кечерәк булганнарга энергетик сатуны тыя торган закон проектын беренче укылышта кабул итте. Документ депутатлар төркеме инициативасы белән тәкъдим ителгән.</p> <p>Закон проекты текстында әйтелгәнчә, 500 млдан артык күләмдәге савытта тонусны күтәрә торган (шул исәптән энергетика) алкогольсез эчемлекләрне берәмләп сату рөхсәт ителми.

</p> <p>Инициаторлар билгеләп үткәнчә, Россиядә әлегә кадәр энергетикларны берәмләп сату өлкәсе (закон дәрәҗәсендә) җайга салынмаган. Шул ук вакытта Дәүләт Думасына еш кына төрле иҗтимагый оешмалар мөрәҗәгать итә, мондый эчемлекләрне сатуны тыюны сорыйлар.</p> <p>«Яшьләр эчемлекләрне бернинди чикләүләрсез ала, аларны сәламәтлеккә, барыннан да элек йөрәк-кан тамырлары системасына зыян китерә торган күләмдә куллана», диелә документка аңлатма язуында.</p> <p>Закон 2024 елның 1 сентябреннән үз көченә керергә мөмкин.</p>