Азнакай районында яшәүчеләр махсус хәрби операциядә катнашучы якташларына ярдәм итү максатында алып барылган игелекле эшчәнлекнең тукталып торганы юк. Һәр авылда диярлек маскировка челтәрләре үрәләр, коры душлар, дару үләннәре киптереп, чәйләр ясыйлар, ашлар тутыралар. Бу хакта «Азнакай» сайтында хәбәр ителә.
Изге теләкләр тели-тели үрелгән 15 маскировка челтәрен Херсон юнәлешенә җибәрделәр. Аларны Казан шәһәрендәге хәрби частьтан Ринат Насыйров егетләргә илтеп тапшырачак.
«Мондый челтәрләр фронтка бик кирәк. Алар хәрбиләрне, коралларны, хәрби техникалар һәм инженерлык корылмаларын дошман разведкасынннан саклау өчен киң кулланыла. Әлеге изге эштә катнашкан һәркемгә рәхмәт сүзенең ниндиен генә әйтсәң дә, аз булыр», – диде район Советы аппараты җитәкчесе Айдар Хәлиуллин йөкне төягән вакытта.
Свежие комментарии