Татарстан Рәисе Рөстәм Миңнеханов БРИКС саммитында катнашуын тәмамлаган Төркия Президенты Рәҗәп Тайип Эрдоганны озатты. Бу хакта ТР Рәисе матбугат хезмәте җитәкчесе Лилия Галимова сөйләде.
Эрдоган Казанга кичә хатыны Әминә белән килгән иде. Шул ук көнне Төркия лидеры Россия Президенты Владимир Путин белән сөйләшүләрдә катнашты.
Чит ил массакүләм мәгълүмат чаралары Төркия Президентын БРИКС саммитында лидерларның иң ординар булмаганы дип атый һәм чарада катнашу «көндәш державалар» белән үз мөнәсәбәтләрен баланслау омтылышы булып тора, дип фаразлый.
Свежие комментарии