Россия Үзәк сайлау комиссиясе башлыгы Элла Памфилова Казанга килә

Россия Үзәк сайлау комиссиясе рәисе Элла Памфилова сишәмбе, 15 апрельдә Казанга килә.

ТР Дәүләт Советы мәгълүматлары буенча, Памфилова Татарстан Дәүләт Советы Рәисе Фәрит Мөхәммәтшин белән очрашачак. Очрашу 9.45 сәгатьтә республика парламенты бинасында уза.

«09.45 сәгатьтә Татарстан Дәүләт Советы Рәисе Фәрит Мөхәммәтшинның Россия Үзәк сайлау комиссиясе рәисе Элла Александровна Памфилова белән очрашуы була.

Ул ТР Дәүләт Советында уза. Әзерлек һәм үткәрү өчен М.С.Хәсәнов җаваплы», диелә хәбәрдә.

Элегрәк Татарстан Үзәк сайлау комиссиясе белдергәнчә, комиссия «Сайлаулар» 2.0 Дәүләт автоматлаштырылган системасы яңа цифрлы платформасын сынауның төп этабына әзерләнә. Гомумроссия тренировкаларының төп этабы 28 апрельгә кадәр узачак. Республика сайлау комиссияләренең системалы администраторлары «Сайлаулар» 2.0 Дәүләт автоматлаштырылган системасына Бердәм тавыш бирү көне турында барлык кирәкле белешмәләрне кертү мөмкинлеген тикшерәчәк.

ТР Үзәк сайлау комиссиясе рәисе Андрей Кондратьев сүзләренчә, Гомумроссия тренировкалары барышында комиссия әгъзалары сайлау кампаниясенең иң мөһим этапларын модельләштерәчәк, «Сайлаулар» 2.0 Дәүләт автоматлаштырылган системасының реаль тавыш бирүне уздыруга әзерлеген тикшерәчәк.

«Татарстан Территориаль сайлау комиссиясе 70 техник белгече яңа цифрлы платформа белән эшләү өчен укулар узды. Тренировканың төп этабында алар югары дәрәҗәдәге профессиональ әзерлек күрсәтерләр дип ышанам!», – дип өстәде ул.

Система тулысынча интернеттан изоляцияләнгән һәм Россия программа тәэминатында эшләнгән, дип билгеләп үтелә.