Бүген, 21 июньдә, Татарстанда дымлы һәм салкынча һава торышы саклана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада болытлы булачак. Көндезге сәгатьләрдә бераз яңгыр ява. Урыны белән, Казанны да кертеп, яшенле яңгыр көтелә. Иртән кайбер районнарда төнлә төшкән томан саклана.
Көнбатыштан һәм көньяк-көнбатыштан искән җил көндез секундына 4-9 метрдан 6-11 метрга, урыны белән (шул исәптән ТР башкаласында) 14 метрга кадәр көчәячәк. Яшен вакытында җилнең тизлеге урыны белән секундына 15-17 метрга кадәр җитәчәк.
Салкынча төннән соң көндез Татарстанда һава температурасы +16..+21 градуска (Казанда +19..+21 градуска) кадәр күтәреләчәк.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии