Әлмәттә чыршы тапшыру пунктлары барлыкка килде. Аларны сәүдә үзәкләреннән ерак түгел урнаштырганнар. Бу хакта «Әлмәт таңнары» хәбәр итә.
«Гринта» матбугат хезмәте хәбәр иткәнчә, агачларны кабул итү өчен контейнерлар өч урында урнаштырылган:
- Нефтьчеләр ур., 18 (супермаркет парковкасы);
– Ленин ур., 128 (спорт товарлары кибете парковкасы);
– Совет ур., 147а (сәүдә үзәге парковкасы).
Чыршыларны теләсә кайсы вакытта алып килергә була. Аннары аларны эшкәртүгә җибәрәчәкләр. Мондый ысул агачларга икенче тормыш бирергә генә түгел, ә контейнер мәйданчыкларын да чисталыкта сакларга мөмкинлек бирәчәк, ди төбәк операторы матбугат хезмәте.
Яңа ел агачларын кабул итү пунктлары 20 гыйнварга кадәр эшләячәк.
Свежие комментарии