РФ Федераль Җыены Дәүләт Думасы АКШ конгрессыннан һәм Берләшкән Милләтләр Оешмасыннан Америка журналисты Такер Карлсонның белдерүен тикшерүне таләп итәчәк. Журналист Кушма Штатларның элеккеге Президенты Джо Байден администрациясе Россия лидеры Владимир Путинга һөҗүм әзерләве турында белдерде. Бу хакта ТАСС хәбәр итә.
«Дәүләт Думасы АКШ конгрессына һәм Берләшкән Милләтләр Оешмасына Такер Карлсонның Байден администрациясе Владимир Путинга һөҗүм әзерләү турындагы белдерүен тикшерүне таләп итеп мөрәҗәгать юллаячак», - дип белдерделәр Федераль Җыенның түбән палатасы матбугат хезмәтендә.
Мөрәҗәгатьне Дәүләт Думасының барлык фракцияләре хуплады, диделәр матбугат хезмәтендә.
Шул ук вакытта Кремль рәсми вәкиле Дмитрий Песков исә элегрәк Россия Президентына һөҗүм әзерләнү турындагы дәлилсез сүзләргә ышанмаска чакырды.
Такер Карлсон журналист Мэтт Таибби белән сөйләшү барышында АКШның элеккеге Президенты Джо Байден администрациясен Владимир Путинны үтерергә омтылуда гаепләде. Шул ук вакытта ул бернинди нечкәлекләр һәм дәлилләр китермәде.
Свежие комментарии