Россиядә балалар туклануы һәм аның составына яңа стандартлар барлыкка килә

Росстандарт балалар туклануын һәм аны җитештерүдә кулланыла торган ингредиентларны җайга салучы стандартларның яңа линейкасын булдыру юнәлешендә эшли. Бу хакта ведомство җитәкчесе Антон Шалаев «Россия – Ислам дөньясы: KazanForum» халыкара икътисади форумында хәбәр итте. Аның сүзләрен ТАСС җиткерә.

Шалаев ассызыклаганча, стандартларны эшләгәндә продукциянең куркынычсызлыгын һәм югары сыйфатын тәэмин итү төп бурыч булып кала.

«Беренче чиратта – бу куркынычсызлык, сыйфат мәсьәләләре, без аларны стандартлар аша тәэмин итәргә тиеш», - дип билгеләде ул.

Ул шулай ук Росстандарт ел саен масштаблы эш алып бара: Россиянең төрле тармакларында 1 700гә якын яңа ГОСТ раслана, дип өстәде.

«Россия – Ислам дөньясы: KazanForum» халыкара икътисади форумы Татарстан башкаласында 13-18 майда уза. KazanForum Татарстанда 2009 елдан башлап ел саен үткәрелә. Вакыйга 2023 елдан федераль статуска ия. Татарстан Рәисе Рөстәм Миңнеханов Россия Президенты Владимир Путин йөкләмәсе нигезендә «Россия – Ислам дөньясы» стратегик караш төркемен җитәкли.