<p>Бүген Әтнә районының Каенсар урманы янында районкүләм Сабантуй үтә. Милли бәйрәмдә «Татар-информ» хәбәрчесе дә эшли. Халыкны бәйрәм уңаеннан котлап, Татарстан Дәүләт Советы Рәисе <strong>Фәрит Мөхәммәтшин</strong> Әтнә Сабан туеның чын-чынлап милләтләр дуслыгын исбат итүен әйтте.
</p> <div class="ckeditor-html5-video" data-responsive="true" style="text-align: center;"> </div> <p>«Беләсезме, мин уйлавымча, чиста татар авылларында Сабантуй традицияләре саклана, буыннан-буынга күчә. Нәкъ Әтнәдәгечә. Халкыбыз Сабантуйларны көтеп ала, бу бәйрәм — очрашулар, хезмәтне данлау, күңелле уеннар урыны. Әтнә Сабан туена күрше Марий Элдан да халык күп килә», – диде Фәрит Мөхәммәтшин журналистларга.</p> <div class="ckeditor-html5-video" data-responsive="true" style="text-align: center;"> </div> <p>Шулай ук ул Әтнә районының авыл хуҗалыгы һәм икътисад тармагы буенча алдынгылар сафында булуын билгеләде. «Республикада интеграл күрсәткечләр буенча Әтнә районы 5 урында булса, терлекчелек нәтиҗәләре нигезендә 1 урында бара», – дип искәртте ул.</p> <p><img alt="" height="878" src="https://tatar-inform.tatar/images/uploads/54ce0a1c859324c133ff1290b2a6c8ae.jpg" width="1170" /></p> <p>Фәрит Мөхәммәтшин Әтнә районы халкына дәүләт бүләкләре тапшырды һәм ат чабышларын тамаша кылды.</p> <p><img alt="" height="878" src="https://tatar-inform.tatar/images/uploads/ee0d52cde69e7ef7e0d7aeb97a3b2231. jpg" width="1170" /></p> <p> </p> <p> </p>
Свежие комментарии