Татарстанда Биектау авылында янгында балаларын югалткан гаиләгә ярдәм җыю оештырылган.
Бу гаиләгә финанс ярдәме күрсәтергә теләүчеләргә акчаны Саклык банкы картасына (987) 212 69 21 – Ирина Владиславовна С. номеры буенча күчерергә мөмкин.
Район башкарма комитеты гаиләгә ярты елга вакытлыча торак бирәчәк.
Битараф булмаган кешеләр беренче кирәк-ярак әйберләрен - мебель, кием-салым, уенчыклар һәм азык-төлек җыя башлады.Ачыкланганча, гаилә биш ел элек Мари Эл Республикасыннан Татарстанга күчеп килгән һәм тәрбиягә алган балалар белән яшәгән. Балаларның әтисе, мобилизацияләнгән хәрби хезмәткәр, Херсон өлкәсендә хезмәт иткән һәм өенә кайтып килә. Ул Татарстанга бүген кич кайтып җитәргә тиеш.
«Бу авыр вакытта без берләшергә һәм кайтарып булмаслык югалту белән очрашкан гаиләгә ярдәм итәргә тиеш. Бернинди ярдәм дә балаларны югалтуны алмаштырмаячак, әмма без бу гаиләгә ярдәм итү өчен кулдан килгәннең барысын да эшләячәкбез», — дип билгеләп үтте Биектау районы башлыгы Равил Хисаметдинов.
«Татар-информ» белдергәнчә, бүген Биектау авылында Тукай урамындагы шәхси йортта янгын чыккан. Янгын сүндерүчеләр йорт тәрәзәсеннән 7 яшьлек малайны коткарган.
Янгын урынында 3 яшьлек малай, 57 яшьлек хатын-кыз һәм 5 яшьлек кыз гәүдәләрен табалар. Янгын сүндерүчеләр 100 квадраттагы янгынны сүндергән. Янгынның беренчел сәбәбе - кыска ялганыш.
Татарстан прокуратурасында хәбәр итүләренчә, «Ике яки аннан да күбрәк кешегә саксызлык аркасында үлем китерү» маддәсе буенча җинаять эше кузгатылган.
Искәртик, Татарстанның Биектау районы башлыгы Равил Хисаметдинов янгында хатын-кыз һәм ике бала һәлак булганнан соң кайгы уртаклашуын белдерде.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии