<p>Бөтендөнья татар конгрессының Милли шура рәисе <strong>Васил Шәйхразыев</strong> Татарстан халкының Пермь татарлары белән һәрвакыт дустанә мөнәсәбәттә булуларын, ярдәмләшеп яшәүләрен белдерде. Бу хакта ул Пермь крае Барда авылында узган Татарстан Республикасы сәнгать осталары концертында сөйләде.
«Без монда килергә яратабыз, Татарстанлылар Пермь татарлары белән һәрвакыт ярдәмләшеп яшәде, бу - бик күңелле күренеш»,- диде Васил Шәйхразыев. <img alt="" height="878" src="https://tatar-inform.tatar/images/uploads/63f012507f0ffa41af3c1062ab74645c.jpeg" width="1170" /> Шулай ук ул Сабантуйны үткәрүдә ярдәм күрсәткән өчен Пермь крае губернаторына зур рәхмәт белдерде. «Сабантуйга бик җитди әзерлек эше барды, без Пермь крае губернаторы <strong>Дмитрий Махонин</strong>га рәхмәт сүзләрен җиткерергә телибез, ул: «Әйдәгез монда Бөтенроссия авыл Сабантуен бергәләп үткәрик», – диде. Бердәм булыйк, сабантуйлар мөбәрәк булсын!», - диде Васил Шәйхразыев.</p> <p>Пермь крае Губернаторы Администрациясе җитәкчесе беренче урынбасары <strong>Леонид Политов</strong> бардалыларны татар телендә сәламләде. «Пермь крае Губернаторы <strong>Дмитрий Махонин</strong> исеменнән сезгә кайнар сәлам җиткерәм һәм чын күңелдән Сабантуй бәйрәме белән котлыйм. Әлеге бәйрәмне үткәрергә ярдәм иткән өчен Татарстан республикасына зур рәхмәт. Алга таба да бердәм булып яшик»,- диде ул.</p>
Свежие комментарии