Ягып җылыту өчен түләү тәртибе марттан үзгәрәчәк

Россиядә 1 марттан төбәкләргә җылылык өчен ел буена тигез итеп бүлеп түләүне тыячаклар. Хәзер түләү җылылык фатирларга бирелгән айларда гына түләнәчәк. Бу хакта РИА Новости Дәүләт Думасының Төзелеш һәм торак-коммуналь хуҗалык комитеты әгъзасы Александр Якубовскийга сылтама белән хәбәр итә.

«Фатир милекчеләре тарафыннан ягып җылыту өчен түләүнең үтәкүренмәлелеген арттыру өчен, 2025 елның 1 мартыннан төбәкләрнең мондый түләү формасына күчүен тыю кертелә.

Түләү ел буена тигез бүленгәндә, күп кенә милекчеләрдә ни өчен түләүләре турында сорау туган очраклары булган. Җылылык өчен ул фатирларга бирелгән айларда гына түләгән очракта һәр милекче түләүнең исәпләү приборлары күрсәткечләренә туры килүен контрольдә тота ала», - дип белдерде Якубовский.

Тигез айлык түләүләр рәвешенә күчкән төбәкләр аны саклап калачак. Әмма алга таба үзгәрешләр Россия Хөкүмәте карары белән чикләнә.