Татарстанның «ЮВТ АЭРО» авиакомпаниясе Bombardier CRJ 200 самолетына татар әдәбияты классигының 139 еллыгы уңаеннан Габдулла Тукай исемен бирде. Бу хакта авиакомпания «ВКонтакте» социаль челтәрендәге битендә хәбәр итә.
«Татарстанлылар һәм башкала кунаклары самолетка утырганда фюзеляжда татар халык шагыйренең исемен һәм фамилиясен күрәчәк» – диделәр авиакомпаниядә.
Казан халыкара аэропорты 2019 елдан бирле Габдулла Тукай исемен йөртә.
Тукайның туган көненнән тыш, бүген Татарстанда Туган тел көне дә билгеләп үтелә. Татарстан Республикасының беренче Президенты Минтимер Шәймиев татар телен үстерүгә сизелерлек өлеш кертте, ә хакимияткә Татарстан Рәисе Рөстәм Миңнеханов килү белән республиканың тел сәясәтендә яңа этап башланды. Системалы чаралардан башка татарның уникаль мәдәни мирасы кире кайтарылмаслык рәвештә юкка чыгарга мөмкин икәнен аңлап, төбәк җитәкчесе телне үстерү һәм аңа ярдәм итү өчен комплекслы программа булдырды. Татар телендә әдәбият нәшер итү, телепрограммалар һәм кинофильмнар төшерү өчен бюджет ассигнованиеләре шактый арттырылды. Яшьләрне кызыксындырырлык цифрлы контент булдыруга аерым игътибар бирелде.
Рөстәм Миңнеханов телне үстерү мәсьәләләренә шәхсән үзе зур игътибар бирә. Иҗади интеллигенция, укытучылар, студентлар белән очрашуларда ул һәрвакыт: «Татар теле – ул аралашу чарасы гына түгел, ул безнең милли үзенчәлегебезнең коды, халкыбызның күп гасырлык зирәклеген саклаучы чара», - дип ассызыклый.
Свежие комментарии