На информационном ресурсе применяются рекомендательные технологии (информационные технологии предоставления информации на основе сбора, систематизации и анализа сведений, относящихся к предпочтениям пользователей сети "Интернет", находящихся на территории Российской Федерации)

Свежие комментарии

  • Evgenija Palette
    ГОВОРИТЕ, ГАДЫ, НА ГОСУДАРСТВЕННОМ ЯЗЫКЕ, ПРИНЯТОМ В РОССИИ... ВЫ НАМ И НА "Х" НЕ НУЖНЫ. У ВАС ЕСТЬ ВСЕ СВОЕ, В ТОМ Ч...Татарстан космона...
  • вера курьянова (гончарова)
    Уже   и тут не по-русски пишут, скоро  ничего прочесть не сможем, и это нормально?Донецкида республ...
  • Анатолий Ишимбаев
    Пиши по русски кутакМарат Галиев: Зак...

Казанда Ураза гаетенә багышлап «Рамазан Фест 2025» бәйрәме узды

Казанда Галиәскар Камал исемендәге театр каршындагы мәйданда «Рамазан Фест 2025» гаилә бәйрәме узды. Ул 30 март көнне бөтен дөнья мөселманнары бәйрәм итә торган Ураза гаетенә багышланды, дип хәбәр итә «Татар-информ»нан Дарья Агеева.

«Әл-Мәрҗани» мәчете имам-хатыйбы Равил хәзрәт Зөфәров, Казанның Вахитов һәм Идел буе районнары имам-мөхтәсибе Йосыф хәзрәт Дәүләтшин һәм «Тимер» ихтиярилар батальоны имамы Илдар хәзрәт Шәмсетдинов мөселманнарны Рамазан аеның тәмамлануы белән котлап, барысына да сәламәтлек, игелекле еллар теләде.

Фото: © Салават Камалетдинов / «Татар-информ»

«Рамазан Фест» оештыручылары бу ел Россиядә һәм Татарстанда Ватанны саклаучылар елы буларак игълан ителүен искәртте. Бәйрәмдә сугыш техникасының төрле үрнәкләре күрсәтелде

«Рамазан Фест» дәвамында Казанның балалар филармониясе яшь артистлары, Татарстанның атказанган артисты Раил Шәмсуаров, җырчы Мәрьям Җаббарова, Татарстанның атказанган артисты Илнар Сәйфиев, Ришат Әхмәдуллиннар чыгыш ясады. Шулай ук кылычлар белән бию һәм татарча брейк-данс башкарылды.

Фото: © Салават Камалетдинов / «Татар-информ»

Бәйрәмдә оештырылган ярминкәдә төрле бизәнү әйберләре, уенчыклар, хушбуйлар, сабын, милли киемнәр, савыт-саба, яулыклар, баллы чәй ризыклары, милли ашлар һәм эчемлекләр сатылды.

Фото: © Салават Камалетдинов / «Татар-информ»

Шулай ук фестиваль узган урында ретро автомобильләр күргәзмәсе дә оештырылган иде. Бәйрәм кунаклары совет елларында чыккан «Жигули», «Волга», «Запорожец», балалар өчен педальле «Москвич» машиналары белән таныша алдылар.

 

Ссылка на первоисточник
наверх