Мамадыш фермеры, контракт төзеп, махсус хәрби операция зонасына киткән

<p>Аның махсус хәрби операция зонасына китү сәбәбе – ватанпәрвәрлек. 50 яшьлек Мамадыш фермеры (аның хәрби кушаматы – Полосатый) узган ел контракт буенча хезмәт итәргә теләк белдергән. Шушы көннәрдә ул кыска вакытлы ялга кайтты. Хәрби беренче эш итеп гаиләсе белән күреште һәм район җитәкчелегенә дә рәхмәт сүзләре әйтергә онытмады.

</p> <p>Ул үз тормышын тамырдан үзгәртергә курыкмый һәм узган елның җәендә махсус хәрби операция зонасына юл тота.</p> <p>«2023 елның июль ахырында киттем, Тоцкига эләктем, анда безнең часть формалашты. Һәм инде 20 көннән соң Луганскида идем», - дип сөйләде Полосатый.</p> <figure class="image"><img alt="" height="780" src="https://www.tatar-inform.ru/images/uploads/45a81339f59eb81fe782a58beaf73de8.jpg" width="1170" /> <figcaption> <p>Фото: © Николай Михайлов тарафыннан тәкъдим ителде</p> </figcaption> </figure> <p>10 июньдә ул янә махсус хәрби операция зонасына китә. Аның алдында шушы вакыт эчендә планлаштырылган барлык эшләрне башкару бурычы тора. Шуларның берсе: җирле хакимияткә гаиләсенә һәм үзенә күрсәткән ярдәм өчен рәхмәт әйтү.</p> <p>«Мамадышта шундый традиция бар. Без һәр солдатка кием-салым һәм азык-төлек җыелмасы тапшырабыз. Ялга кайткан бер хәрби дә игътибардан читтә калмый», - дип искәртте Мамадыш районы башкарма комитеты җитәкчесе вазифаларын башкаручы Вадим Никитин.</p> <p>Хәзер потенциаль хәрбиләр өчен контракт буенча хезмәт итү шартлары күпләрне кызыктырырлык. Татарстанда бер тапкыр 1 миллион сумга кадәр акча бирелә, ай саен хәрбиләргә 210 мең сум түлиләр. Арттырылган түләүне 2024 елның июнь-июль айларында алырга мөмкин. Төгәлрәк мәгълүмат - 8 (800) 222-59-00 телефоны буенча.</p> <p>Украинада махсус хәрби операция РФ Президенты</p> <p>Владимир Путин карары белән 2022 елның 24 февраленнән бирле үткәрелә. РФ Хөкүмәтендә күп тапкырлар белдерүләренчә, махсус операция тиешле максатларга -шул исәптән Россиянең иминлеген тәэмин итә торган шартлар тудыру - ирешкәнче дәвам итәчәк.</p> <p>Россия Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны аша күбрәк белергә мөмкин.</p>