«Әкият» курчак театры 90 еллыгын «Шомбай-fest» фестивале кысаларында үткәрә

<p>Татар дәүләт «Әкият» курчак театры 90 еллык юбилей тантанасын «Шомбай-fest» фестивале кысаларында үткәрәчәк.</p> <p>«25 июньнән 2 июльгә кадәр «Шомбай-fest» V халыкара курчак театрлары фестивале була. 1 июльдә фестиваль кысаларында «Әкият» курчак театрының юбилей тантанасы үтә», – дип хәбәр итә фестивальнең матбугат үзәге.

</p> <p>Казан халкы һәм кунаклары фестиваль программасына кергән 14 спектакльне карый алачак. Ә юбилей тантанасы үтәсе көнне театрның Кече залында Азәрбайҗаннан Баку марионеткалар театры «Аршин Мал Алан» музыкаль комедиясен күрсәтә.</p>