Костин төп ставканың 17 процентка кадәр күтәрелүен фаразлый

<p>Үзәк банкның директорлар советы төп ставканы 100 базис пунктка – 17 процентка кадәр күтәрергә мөмкин, дип белдерде «ВТБ» идарәсе рәисе <strong>Андрей Костин</strong> Петербург халыкара икътисади форумы кысаларында. Моны «Известия» яза.</p> <p>«Мин бүген форумга барганда ставка сакланыр дип уйлап бардым, әмма <strong>Эльвира Сәхипҗадовна</strong> [<strong>Нәбиуллина</strong>] киләсе елда 4 процент [инфляция] булачагын әйткәч, иртәгә [төп ставканы] 100 базис пунктка күтәрәчәкләрен аңладым», – диде Костин.

</p> <p>7 июньдә төп ставка буенча Россия банкы директорлар советы утырышы узачак. 6 июньдә Петербург халыкара икътисади форумында «Сбербанк» башлыгы <strong>Герман Греф</strong> Россия банкының төп ставкасы артуы ихтималы турында белдерде. Аның сүзләренчә, ул ким дигәндә хәзерге 16 процент дәрәҗәдә калачак.</p>