2024 елда Татарстанда 33,8 миллион тонна нефть чыгарылган, 24 миллион тоннасы эшкәртелгән. ТР Премьер-министры Алексей Песошин 2024 елда социаль-икътисади үсеш нәтиҗәләре һәм 2025 елга бурычлар буенча Әлмәт районы Советы утырышында шундый саннар китерде.
«2024 елда Татарстанда 33,8 миллион тонна нефть чыгарылган, 24 миллион тоннага якын нефть чималы эшкәртелгән.
Тармак лидеры – «Татнефть» компаниясе», - дип нәтиҗә ясады Песошин.Әлмәт районы һәм республика икътисадына шулай ук «ТаграС-Холдинг» предприятиеләре, кече нефть компанияләре, Выкса металлургия заводы филиалы, «СМП-Нефтегаз», «РИМЕРА-Алнас», Әлмәтнең «Радиоприбор» заводы сизелерлек йогынты ясый, дип санап үтте Премьер-министр. Ул предприятиеләрнең хезмәт коллективларына Татарстан үсешенә керткән өлешләре өчен рәхмәт белдерде.
Чагыштыру өчен - 2023 елда Татарстанда 35,2 миллион тонна нефть чыгарылган, шуның 24 миллион тоннага якыны эшкәртелгән.
Свежие комментарии