Яңа ел каникулларына иң кыйммәтле тур 1982335 сум тора. Юллама дүрт кешегә: ике олы кешегә һәм ике балага сатып алынган. Алар Мәскәүдән Таиландка очачак. Бу хакта РИА «Новости» хәбәр итә.
Travelata сервисы мәгълүматлары буенча, ял итүчеләр Као-Лак курортында 12 көн үткәрәчәк. Аларны «барысы да кертелгән» системасы белән «биш йолдыз»лы кунакханәгә урнаштырачаклар.
Яңа ел бәйрәмнәренә ял итүнең иң арзан варианты Түбән Новгород - Санкт-Петербург маршруты буенча бару булган. Ул 25,3 мең сум тора. Аны бер турист сатып алган, ул «мәдәни башкала»да йолдызсыз кунакханәдә 4 көн үткәрәчәк, шулай ук туклану да каралмаган.
Тармак экспертлары ел башы өчен топ юнәлешләр исемлегенә Мисыр һәм Берләшкән Гарәп Әмирлекләре керүен өстәде. Шулай ук өчлеккә Россия дә эләккән. Быел Яңа ел бәйрәмнәрендә броньлау күләме узган ел белән чагыштырганда 22 процентка күбрәк, дип билгеләп үтелә.
Свежие комментарии