Узган ел Татарстанда барлык авыл хуҗалыгы хайваннарын һәм кош-кортны идентификацияләү төгәлләнде. ТР Министрлар Кабинетының Баш ветеринария идарәсе башлыгы Алмаз Хисаметдинов «Татар-информ» агентлыгында узган матбугат конференциясендә шулай дип белдерде.
«2024 елның 1 сентябренә кадәр барлык авыл хуҗалыгы хайваннары да маркировкаланды һәм системага кертелде.
Без эшләрне графиктан алда тәмамладык. Һәм 2025 елда ябарга тиешле позицияләрне узган елда ук төгәлләдек», - диде ул.Республикада 771,1 мең баштан артык мөгезле эре терлек, 25,8 мең ат, 410 меңнән артык дуңгыз, 17 миллион башка якын йорт кошы, 171,6 мең баштан артык мөгезле вак терлек чиплаштырылган.
Хисаметдинов билгеләп үткәнчә, идентификация хайваннарда була торган йогышлы чирләр таралуына юл куймау, авыру таралу чыганакларын ачыклау өчен кирәк. Моннан тыш, аның сүзләренчә, маркировка нәтиҗәсендә бер хайванны икенчесенә алыштыру, шулай ук ветеринар эшкәртү узмаган хайваннарны бер урыннан икенчесенә күчерү мөмкинлеге чик куела. Чип ярдәмендә хайванның хуҗасын табарга мөмкин.
Федераль закон нигезендә хуҗалар хайваннарны маркировкалауны тәэмин итәргә һәм аларны исәпкә алу өчен белешмәләр тәкъдим итәргә бурычлы, дип искәртте идарә башлыгы.
Свежие комментарии