Эш сәфәре белән Төркиягә килгән Татарстан Рәисе Рөстәм Миңнеханов Истанбулда илнең сәнәгать һәм технологияләр министры Мехмет Фатих Каджир белән очрашты. Бу хакта ТР Рәисе матбугат хезмәте җитәкчесе Лилия Галимова хәбәр итте.
Татарстан Рәисе Төркия хакимияте вәкиленә «Технофест» фестиваленә чакыруы өчен рәхмәт белдерде.
«Без традицион рәвештә Төркия Республикасы белән сәүдә-икътисади һәм инвестицион хезмәттәшлекне үстерүгә зур әһәмият бирәбез. Татарстан безнең илләр арасында нәтиҗәле бәйләүче звено булып тора», - дип билгеләп үтте Рөстәм Миңнеханов.
Төркия Республикасы һәрвакыт Татарстанның Россия-Төркия мөнәсәбәтләре кысаларындагы әйдәп баручы чит ил партнерларының берсе булды, дип искәртте шулай ук Татарстан Рәисе.
Узган ел нәтиҗәләре буенча Татарстан белән Төркия арасында товар әйләнеше ике тапкырга арткан һәм 5,3 миллиард доллар тәшкил иткән.
Мехмет Фатих Каджир Төркиянең Татарстан белән хезмәттәшлек итүгә карата кызыксыну зур булуын билгеләп үтте.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии