Иске Чүпрәленең 1нче урта мәктәбен тәмамлап, бүгеннәрдә Казан дәүләт ветеринария медицинасы академиясендә укучы Назлыгөл Шәкүрова, мәсәлән, Кара диңгезне нефть калдыкларыннан чистартуда ярдәм иткән. Бу хакта «Туган як» сайтында хәбәр ителә.
Татарстаннан волонтерлар (алар составында Назлыгөл дә) ике атна буена Анапада яшәп, диңгезне, ярларын чистартуда хезмәт куялар.
«Сайлаган һөнәрем ветеринария табибы булгач, кошларга, табигатьтәге башка җанлыларга ярдәм итәсе килде», — ди Назлыгөл.
Табигатькә, андагы яшәүче тереклеккә Назлыгөл — уку йортының ирекле отряд җитәкчесе һәм яшьләр советы рәисе дә. Мохтаҗларга ярдәм итүгә юнәлдерелгән төрле проектларда катнаша. Бу балалар белән эшләү, өлкәннәргә ярдәм итү, экологик акцияләрдә катнашу һәм хайван приютларына шефлык итү.
Назлыгөл 2023 елда волонтерлык өлкәсендәге «Мәрхәмәтле Татарстан» республика премиясендә «Хайваннарга ярдәм итү өлкәсендә Ел волонтеры» номинациясендә җиңүче булган. «Россия Авыл хуҗалыгы Банкы» җәмгыятенең стипендиаты да ул.
Белешмә: 2024 елның 15 декабрендә Керчь бугазында ике танкер батып, Краснодар крае курортларындагы комлыклар — Темрюк районының Веселовка бистәсеннән алып Анапа шәһәренең Благовещенская станицасына кадәр, мазут белән капланды.
Свежие комментарии