Аксубай районыннан мал табибы Әнвәр Шәрифуллин Казанда «Агроволга» Халыкара агросәнәгать күргәзмәсе кысаларында узган мөгезле эре терлекләрнең тоякларын кисү буенча турнирда уңышлы катнашты. Бу хакта «Аксубай» газетасы яза.
Үз һөнәренең остасы бәйгесендә Россиядән, Беларусь Республикасыннан, Казахстаннан, Боливия һәм Кубадан ортопед-тояк кисүчеләр ярышты.
Әнвәр Шәрифуллин мөмкин булган 100 баллның 84ен җыйды. Бу – ундүртенче күрсәткеч. Иң яхшы исеменә 130 белгечнең көч сынашуын исәпкә алганда, нәтиҗә – лаеклы. Уңышлы эш күрсәткәне өчен ул Дипломга лаек булды, диелә хәбәрдә.
Свежие комментарии