Миңнеханов Татарстан яшьләренә: Сезнең энергия, талантлар һәм идеяләр илне алга этәрә

Татарстан Рәисе Рөстәм Миңнеханов «ВКонтакте» социаль челтәрендәге сәхифәсендә һәм Teлеграм-каналында республика яшьләрен Яшьләр көне белән котлады.

«Бәйрәм белән! Яшьләр көне белән, дуслар! Сезнең энергия, талантлар һәм кыю идеяләр илебезне алга этәрә», – дип ассызыклады ТР Рәисе.

«Яшьләр көне белән!

Кыю максатлар куегыз hәм аларга ирешегез. Яшьләр өчен илебездә, республикабызда барлык шартлар hәм мөмкинлекләр бар», – дип белдерде Миңнеханов.

Республика җитәкчесе шулай ук видеоролик куйды, анда яшь татарстанлыларның элекке һәм хәзерге мөмкинлекләре көр музыка астында чагыштырыла. «Чорлар үзгәрә, тик бер нәрсә кала – Туган илгә мәхәббәт», – диелә видео азагында.

Видео: t.me/rustamminnikhanov

 

Читайте нас:

Дзен - https://dzen.ru/tatar-inform.ru

ВК - https://vk.com/tatarinform

Телеграм - https://t.me/iatatarinform

YouTube - https://www.youtube.com/user/tatarinform/