Татарстан Югары суды Тукай районы прокуроры Руслан Галиевның район советына дәгъвасы буенча материалларны Чаллы шәһәр судына кайтарды.
«Татар-информ» хәбәр иткәнчә, Тукай районы прокуроры районның элеккеге башлыгы Фаил Камаевның үз теләге белән отставкага китүен законсыз дип тануны таләп итте. Исегезгә төшерик, җирле депутатлар июнь азагында Фаил Камаевның отставкага китүен шундый формулировка белән раслады.
Район прокуратурасы шәһәр суды билгеләмәсенә шикаять белдерде. Район күзәтчелек ведомствосы башлыгы «ышаныч югалту сәбәпле» формулировкасы яклы. Бу районның элеккеге башлыгы коррупциягә каршы закон таләпләрен бозу сәбәпле отставкага китү белән бәйле.
Агентлык хәбәр иткәнчә, 2022 елда Фаил Камаев коммерция оешмасы вәкиленнән 1,3 миллион сум ришвәт алып тотылды. Камаевны кулга алдылар, ләкин соңрак аны тикшерү изоляторыннан өй арестына чыгардылар. Элеккеге түрә тикшерү белән килешү төзеде.
Тикшерү версиясе буенча, әлеге сумма өчен районның элеккеге башлыгы фирмага район объектларында төзелеш эшләре уздыруга килешүләр төзүдә ярдәм күрсәткән.
Свежие комментарии