Россия Мәгариф министрлыгы бу уку елыннан башлап «Хезмәт» фәне буенча Бөтенроссия мәктәп олимпиадасын уздыруны билгеләде. Бу карар хокукый мәгълүматның рәсми интернет-порталында чыкты.
«2024/25 уку елыннан башлап «Хезмәт» («Технология») гомуми белем бирү фәне буенча мәктәп укучыларының бөтенроссия олимпиадасы түбәндәге профильләр буенча үткәрелә: «Йорт культурасы, дизайн һәм технология», «Техника, технология һәм техник иҗат», «Мәгълүмати иминлек» һәм «Робототехника», диелә документта.
2024 елның 1 сентябреннән Россия Федерациясенең барлык мәктәпләренә «Хезмәт» дәресе «кайтты». Балалар конструкцияләү, робототехника, пилотсыз авиация системалары белән эшләү нигезләрен, компьютер графикасы һәм сызымнар өйрәнерләр, шулай ук аш-су пешерү һәм кисү-тегү буенча практика үтәрләр дип көтелә.
Свежие комментарии