Рубежноеда Татарстан ярдәме белән хастаханә шәһәрчегенең азык-төлек блогы ремонтлана

Татарстан вице-премьеры Фәнил Әһлиуллин подрядчы оешма вәкилләре белән Рубежное шәһәренең хастаханә шәһәрчегендә ашамлыклар блогына капиталь ремонт ясау барышын карады. Объектта эшләр план режимында бара.

Подрядчы вәкиле сүзләренчә, төп инженерлык эшләре тәмамланган.

«Җылылык, су һәм канализация системалары монтажланды.

Подвалда эшләр төгәлләнә. Хәзер беренче катта электр утын сузу эшләре бара. Вентиляция системасын монтажлау башланды», - дип хәбәр итте ул.

Шулай ук түбәне монтажлау төгәлләнгән. Якын арада стеналарны һәм идәннәрне керамик плитәләр белән тышлау, шулай ук керү урынын ясау планлаштырыла.

Азык-төлек блогына капиталь ремонт ясау хастаханә шәһәрчеге пациентлары һәм персоналы өчен шартларны яхшыртырга мөмкинлек бирәчәк.