На информационном ресурсе применяются рекомендательные технологии (информационные технологии предоставления информации на основе сбора, систематизации и анализа сведений, относящихся к предпочтениям пользователей сети "Интернет", находящихся на территории Российской Федерации)

Теләче районы Олы Тиләҗе авылында зур ифтар булды

Теләче районы Олы Тиләҗе авылында ике йөз кешегә әзерләнгән зур ифтар узды. Бу хакта «Теләче-информ» сайтында хәбәр ителә.

Әлеге күркәм чара авыл ир-егетләре – Марат Нигьмәтуллин һәм Айрат Хәйруллин иганәчелеге белән оештырылды.

Казан шәһәренең Совет районы имам - мөхтәсибе, 1997-1998 елларда нәкь тә менә Олы Тиләҗе авылы мәчетендә тәүге дини дәресләрен биргән Рөстәм хәзрәт Вәлиуллин ифтарның кадерле кунагы булды. Ул шәкертләренең зурлап әлеге чарага дәшүләренә нык сөенүен әйтеп узды.

Практикасы дәверендә булган истәлекләре белән уртаклашты. Һәм әлбәттә, ифтарга җыелучыларга үтемле вәгазен ирештерде.

«Әлеге күркәм чарада катнашкан һәркем оештыручыларга ихлас рәхмәтләрен әйтеп таралышты», - дип хәбәр иттеләр Олы Тиләҗе авылыннан.

 

Ссылка на первоисточник
наверх