Бүген ел саен үткәрелә торган «Ел табибы – Ак чәчәкләр 2025» премиясендә конкурс номинациясе лауреаты һәм РФ атказанган табибы Фоат Әхмәтҗанов Татарстан Рәисе Рөстәм Миңнехановның алдагы сайлауларда катнашуына өмет белдерде.
«Мин Татарстан Рәисе Рөстәм Миңнехановка рәхмәтлемен. Ул чыннан да медицинаны бик яхшы аңлый.
Ул киләсе срокка сайланыр дип ышанам», - диде Фоат Әхмәтҗанов.Җыелышта катнашучылар бу сүзләргә алкышлар белән җавап бирделәр.
Искәртәбез, элегрәк Рөстәм Миңнеханов «Восхождение» тернәкләндерү үзәгендә булды, анда ул «Ватанны саклаучылар» фонды координаторлары белән очрашты. Социаль координаторларның берсе Миңнехановның алда торган сайлауларда катнашачагына ышаныч белдерде.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии