<p>М-12 «Көнчыгыш» трассасы өстеннән очып узганнан соң, Россия вице-премьеры <strong>Марат Хөснуллин</strong> Екатеринбургка кадәрге тизйөрешле юлны төзүнең барышы турында киңәшмә уздырды.</p> <p>«Хезмәттәшләр белән һәр этап - нинди темп белән барабыз, эшнең ничек алга баруы турында фикер алыштык», - дип язган Хөснуллин Телеграм-каналында.
</p> <p>Төп участоклар арасында ул Түбән Кама һәм Чаллыны урып узу юлын, М-7 «Волга» юлы реконструкциясен, шулай ук Дүртөйле - Әчит юлы һәм Башкортстанда биш торак пунктны урап узу юлын билгеләде.</p> <p>Эшчеләр М-12 трассасын булган юлларга тоташтыру, машина йөртүчеләр өчен күп функцияле зоналар һәм трассада мобиль элемтә урнаштыру өстендә актив эшли, дип өстәде Хөснуллин.</p> <p>«Барлык участокларда да меңләгән төзүчеләр көче белән зур эш бара. Ел ахырына барлык эшләрне тәмамларга һәм Президент<strong> Владимир Путин</strong> куйган бурычларны үтәргә планлаштырабыз», - диде ул.</p>
Свежие комментарии