Әлмәт театры данлыклы «Җил артыннан» спектаклен Новороссийскида күрсәтәчәк

Әлмәт театрының иҗат төркеме Новороссийск шәhәренә фестивальгә юл тотты. Театр «Театральная гавань» халыкара фестивалендә катнаша.

«28 сентябрьдә «Җил артыннан» спектаклен тәкъдим итәбез», – дип хәбәр итә театрның матбугат үзәге.

• «Театральная гавань» халыкара фестивале — Россиянең көньягында бердәнбер даими үткәрелүче фестиваль.
  Новости СМИ2
  Ул беренче мәртәбә Новороссийскида 2018 елда узды.
• 2024 елда «Театральная гавань» алтынчы тапкыр уздырыла. 20 - 29 сентябрьдә фестиваль Новороссийскида, Кабардинкада һәм Геленджикта уза. Россиянең 11 регионыннан 16 театр катнаша, шулай ук, Норвегия һәм Азербәйҗан театрлары килә.

• «Җил артыннан» — Америка бестселлеры. Авторы — Америкада яшәп иҗат итүче әфган язучысы Халед Хоссейни. Инсценировка авторы — драматург Меттью Спенглер.

• Әсәрнең режиссеры — Воронеж камера театры актеры, Россиянең атказанган артисты, «Алтын битлек» театры премиясе лауреаты Камил Тукаев.