Татарстанда иксод талпаны боррелиозының беренче очрагын теркәгәннәр. Чаллыда яшәүче кешегә Түбән Кама урманында зарарланган талпан кадалган. Бу хакта Кулланучыларның хокукларын яклау һәм кеше иминлеге өлкәсендә күзәтчелек Федераль хезмәтенең Татарстан буенча идарәсенең матбугат хезмәтендә хәбәр иттеләр.
14 майга 3062 кеше, шул исәптән 823 бала, талпан кадалып медицина оешмаларына мөрәҗәгать иткән. иң күп очрак Казанда (888), Чаллыда (406) һәм Түбән Кама районында (277) теркәлгән. Тикшерелгән 1381 талпанның 201ендә (14,5 процент) боррелиоз ачыкланган.
Халык иң еш йөри торган территорияләрне (җәйге сәламәтләндерү оешмалары, парклар, скверлар) 821 гектарда талпаннарга каршы эшкәрткәннәр.
Шул ук вакытта Татарстанда талпан энцефалитыннан 8528 кеше (планнан 56 процент) вакцина ясаткан, дип өстәделәр Роспотребнадзорда.
Свежие комментарии